Təkcə məni buraxma

Nataşa Konoplyova xəstəxanada tibb bacısı işləyir və anası ilə birlikdə təvazökar bir həyat sürür. Qızını təkbaşına böyüdən ana ona dürüst olmağı və işinə məsuliyyətlə yanaşmağı öyrədib, onu alkoqol aludəçisi olan atasından qorumağa çalışıb. Lakin keçmiş əri ilə növbəti mübahisədən sonra ananın ayaqları tutulur və o, yeriyə bilmir. Nataşa anasını işlədiyi xəstəxanaya yerləşdirir, lakin atasından kömək istəmək cəhdi atasının qızın maaşını oğurlaması ilə nəticələnir.

Həmin şəhərdə yaşayan imkanlı ailənin qızı Lera Kuzina isə tamamilə fərqli bir həyat tərzi keçirir. Valideynlərinin pulları ilə əyləncə məkanlarında vaxt öldürən, içki və zərərli maddələrin təsirinə düşən Lera dərin böhran yaşayır. Özünü idarə edə bilməyən vəziyyətdə eyvandan tullanmaq istəyərkən təsadüfən oradan keçən Nataşa onu xilas edir. Bu hadisə iki fərqli gəncin yolunu kəsişdirərək hər ikisinin problemlərini həll etməsinə kömək edir.

«Təkcə məni buraxma» adlı kriminal dram serialı 2014-cü ildə Ukraynada lentə alınıb. Layihənin quruluşçu rejissoru Roman Brovkodur. Əsas obrazları Aleksandra Sizonenko, Anna Adamoviç, Vladislav Mamçur və Konstantin Samoukov canlandırıblar.