Lanester

Parisin qərbində qəribə və vahiməli üsulla törədilən cinayətlər bir-birini izləyir. Hadisə yerlərindən birində polis komandiri Erik Lanester qəfildən görmə qabiliyyətini itirir. Bu ağır fiziki zərbə onun həyatını alt-üst edir və istintaqın istiqamətini dumanlandırır.

Bütün çətinliklərə baxmayaraq, xəfiyyə işi yarımçıq qoymaq fikrində deyil. Gənc bir taksi sürücüsü qadın ona kömək əlini uzadır. Onun dəstəyinə arxalanan polis kor halda təhqiqatı davam etdirməyə çalışır, lakin bu təhlükəli addım onu gözlədiyindən daha uzaqlara aparır.

Fransa istehsalı olan «Lanester» serialı 2013-cü ildə ekranlara çıxıb. Kriminal dramın rejissoru Frank Mankuzodur. Əsas rolları Rişar Berri, Emma de Kon, İppolit Jirardo və Bruno Salomon canlandırıblar.