Mai

Şil Çaudhari qocalar evində çalışan sadə bir tibb bacısıdır və ailəsi ilə dinc ömür sürür. Lakin onun nitq qabiliyyəti olmayan qızı Supriya gözləri qarşısında yük maşınının təkərləri altında qalaraq həyatını itirir. Qəzanı törədən sürücü isə hadisə yerindən qaçır.

Polis baş verənləri bədbəxt hadisə kimi qeydə alsa da, Şil tezliklə şübhəli ipucları ilə qarşılaşır. Qızının qəsdən öldürüldüyünü anlayan ana rəsmi orqanlara güvənməkdən imtina edir. «Mai» serialı kədər içində olan qadının həqiqəti üzə çıxarmaq və cinayətkarları cəzalandırmaq üçün apardığı şəxsi araşdırmadan bəhs edir.

Hindistan istehsalı olan bu kriminal triller 2022-ci ildə işıq üzü görüb. Ekran əsərinin rejissorluğunu Anshai Lal və Atul Mongia həyata keçirib, baş rolları isə Sakshi Tanwar, Vivek Mushran, Wamiqa Gabbi və Raima Sen canlandırıb.