2806 nömrəli otaq: İttiham

2011-ci ilin mayında Beynəlxalq Valyuta Fondunun rəhbəri və Fransa prezidentliyinə əsas namizədlərdən olan Dominik Stross-Kan Nyu-Yorkun Sofitel hotelində qalırdı. Hotelin xadiməsi Nafissatu Diallo 2806 nömrəli otağı təmizləməyə girdikdən sonra siyasətçi tərəfindən cinsi təcavüzə məruz qaldığını bildirdi. Həmin gün Stross-Kan Parisə uçan təyyarədə saxlanıldı və ona qarşı rəsmi ittihamlar irəli sürüldü.

Nüfuzlu beynəlxalq fiqurun həbs olunması dünya miqyasında böyük bir qalmaqala səbəb oldu və onun siyasi karyerasına birdəfəlik son qoydu. «2806 nömrəli otaq: İttiham» sənədli serialı bu hadisənin təfərrüatlarını və tərəflərin qarşıdurmasını addım-addım araşdırır.

2020-ci il Fransa istehsalı olan layihənin rejissoru Jalil Lesperdir. Ekran işində hadisənin mərkəzində dayanan Nafissatou Diallo, həmçinin Raphaëlle Bacqué, Élisabeth Guigou və digər şahidlər çıxış edir.