Operqrup

Polkovnik Samoxinin rəhbərlik etdiyi rayon qətllər üzrə şöbəsinin əməkdaşları növbəti sifarişli cinayəti araşdırmağa başlayırlar. Bu dəfə qurban hüquq-mühafizə orqanlarının çoxdandır şübhələndiyi «Avtokom» şirkətinin kommersiya direktoru olur. Həmin müəssisəyə qanunsuz işlərlə məşğul olan keçmiş kriminal nüfuz sahibi Maxrov rəhbərlik edir. Mayor Surkov tərəfindən dindirilmə zamanı təşvişə düşən Maxrov hücumu kimin təşkil etdiyini bilmədiyini deyir, halbuki şəhərdə böyük narkotik partiyasının bölüşdürülməsi ərəfəsində biznesi hədəf alınıb.

Əsas şübhəli şəxs kimi Gruzd ləqəbli amansız gənc oğru Valeri Prıtıkin diqqət mərkəzinə düşür. Qətldən dərhal sonra Gruzd və şəriki Çokun rəqibin himayəsində olan model agentliyinə gələrək oranı ələ keçirməyə çalışırlar və iki tərəf arasında müharibə başlayır. Cinayətkar qruplaşmaları ifşa etmək üçün əlində yetərli sübutu olmayan Samoxin sınaqdan keçmiş üsula əl atır və dəstənin içinə gizli agent göndərir.

Kriminal janrında çəkilmiş «Operqrup» serialı 2009-cu ildə Rusiyada ekranlara çıxıb və 2 mövsümdən ibarətdir. Ekran əsərinin quruluşçu rejissoru Leonid Plyaskindir. Əsas rolları Sergey Qamov, Denis Sinyavski, Anton Sıçyov və Yekaterina Starateleva canlandırıblar.