Qaydasız

Qaydasız döyüşlər üzrə çempion Saşa Rodina növbəti qarşılaşmaya çıxmaqdan imtina edir, çünki onu bu görüşə yalanla cəlb etməyə çalışıblar. Böyük qazancı əldən vermək istəməyən təşkilatçılar geri çəkilmir. Nəticədə qadın azyaşlı qızını da götürərək təqibçilərdən gizlənmək məcburiyyətində qalır.

Saşanın yanında gözlənilmədən Asya adlı sirli keçmişə malik yeni bir köməkçi peyda olur. O da çempion qədər döyüş fəndlərinə yaxşı bələddir. Eyni vaxtda Rodinanı tapmaq tapşırığı alan Vitali Arameyev birdən-birə özünün də hədəfə çevrildiyini anlayır. İndi o, həm axtarışı başa vurmalı, həm də arxasında kimin dayandığını aydınlaşdırmalıdır.

2011-ci ildə ekranlara çıxan «Qaydasız» serialı Rusiya istehsalıdır və kriminal melodram janrındadır. Ekran əsərinin quruluşçu rejissoru Aleksandra Yerofeyevadır. Baş rolları İqor Laqutin, Olqa Yefremova, Marina Kazankova və Denis Suxanov canlandırıblar.