Borcia

On beşinci əsrin sonlarında Roma Papasının əlində misilsiz bir qüdrət cəmlənmişdi. Həmin dövrdə kilsə rəhbəri kralları taxtdan salmaq, monarxlara tac qoymaq və nəhəng imperiyaların taleyini müəyyənləşdirmək iqtidarında idi. Lakin mənəvi tənəzzül və rüşvətxorluq səbəbindən din xadimlərinin cəmiyyətdəki nüfuzu sürətlə zəifləyirdi.

1492-ci ildə VIII İnnokentinin vəfatından sonra Müqəddəs Pyotr taxtına Rodriqo Borcia əyləşir və VI Aleksandr adını qəbul edir. Hakimiyyətə gələn bu nüfuzlu ailə Vatikanın idarəçiliyini öz əlinə alaraq sərt və amansız addımları ilə adını salnamələrə yazdırır.

Üç mövsümdən ibarət olan «The Borgias» tarixi dram serialı 2011-ci ildə nümayiş olunub. ABŞ, Kanada, Macarıstan və İrlandiya istehsalı olan layihənin rejissor kürsüsündə Nil Cordan və Kari Skoqland əyləşib. Baş rolları Ceremi Ayrons, Fransua Arno, Holli Dey Qreyncer və Piter Sallivan canlandırıblar.