Before We Die

Polis detektivi Hanna Leynq həm həmkarı, həm də gizli sevgilisi olan Şon Hardakrın yoxa çıxmasını araşdırmağa başlayır. Tezliklə məlum olur ki, zabit narkotik alveri ilə məşğul olan qüdrətli Mimika cinayətkar ailəsi tərəfindən qaçırılaraq öldürülüb.

Cinayəti açmaq niyyətində olan Hanna həlak olmuş yoldaşının gizli məlumatçısı ilə təmasa keçir. Lakin bu gizli mənbənin detektivin münasibətləri gərgin olan doğma oğlu Kristianla birbaşa əlaqəli olduğu üzə çıxdıqda vəziyyət qat-qat çətinləşir.

Böyük Britaniya istehsalı olan «Before We Die» cinayət və triller serialı 2021-ci ildə işıq üzü görüb və iki mövsümdən ibarətdir. Ekran əsərinin rejissorları Yan Mettis və Karolina Camettadır, baş rolları isə Lesli Şarp, Vinsent Riqan, Issy Knopfler və Kaziya Pelka canlandırır.