Tələ

Devid Sleyni və Brayan Hirn qadağan olunmuş maddələrin daşınması ilə məşğul olaraq qanunsuz gəlir əldə etməyə başlayırlar. Cinayət aləmində sürətlə mövqe qazanan dostlar böyük məbləğlər qazanmağa vərdiş edirlər. Lakin ayıqlıqlarını itirən ortaqlar polisin diqqətini çəkir və keçirilən əməliyyat zamanı yalnız Devid yaxalanır, Brayan isə aradan çıxmağı bacarır.

Məhkəmənin qərarı ilə Devid uzunmüddətli həbs cəzasına məhkum edilir. Qəfəs arxasında keçən beş ildən sonra onun qarşısına qaçmaq fürsəti çıxır. Azadlığa çıxan kimi o, yenidən irimiqyaslı narkotik qaçaqmalçılığına qoşulur. Lakin bu dəfə polislər onun izinə düşüb, yeni cinayət şərikləri isə nələrisə gizlədirlər.

Kanada istehsalı olan «Caught» kriminal dram serialı 2018-ci ildə ekranlara çıxıb. Layihənin rejissorluğunu T.C. Skott və Con Vatçer həyata keçirib. Baş rolları Allan Houko, Pol Qross, Erik Conson və Viktoriya Anderson canlandırıblar.