Səhv adam

Məhkəmə sistemi bəzən ağır səhvlərə yol verərək günahsız insanları uzun illər həbsdə saxlayır. «Wrong Man» sənədli serialı məhz bu cür ədalətsiz qərarları aydınlaşdırmaq üçün bir araya gələn müstəqil mütəxəssislər qrupundan bəhs edir. Komandada vətəndaş hüquqları vəkili, keçmiş prokuror və peşəkar müstəntiqlər təmsil olunur.

Ekspertlər onilliklər boyu təqsirsiz olduğunu bildirən məhkumların real cinayət işlərini yenidən masaya yatırırlar. Araşdırmalar yeniyetmə yaşda cəzalandırılan Evaristo Salas, eləcə də Körtis Flauers və Kristofer Teppin talelərini əhatə edir. Qrup köhnə sübutları, şahid ifadələrini və dindirilmə protokollarını araşdıraraq istintaq təzyiqlərinin olub-olmadığını öyrənməyə çalışır.

2018-ci il istehsalı olan ABŞ layihəsinin rejissorları Co Berlinger və Ketrin Parkdır. Kriminal və sənədli janrda çəkilən bu serial real cinayət faktlarına əsaslanır.