Kannabis

Mərakeşdən Avropaya aparılan böyük narkotik yükü təyinat nöqtəsinə çatmadan ələ keçirilir. Bu marixuana bağlamaları geniş plantasiyalara rəhbərlik edən yerli narkobaron Əl Feoya məxsusdur. Dəyərli yükün yoxa çıxması Fransa və İspaniyanın cinayətkar qruplaşmalarının diqqətini dərhal həmin marşruta yönəldir.

Avropalı dəstələr bu fürsətdən yararlanıb məhsulu öz əllərinə almağa cəhd göstərirlər. Lakin sahələrin sahibi olan Əl Feo böyük qazanc gətirən malını rəqiblərinə asanlıqla vermək fikrində deyil. İtirilmiş yükün arxasınca düşən tərəflər arasında kəskin qarşıdurma alovlanır.

Fransa istehsalı olan «Cannabis» serialı 2016-cı ildə rejissor Lüsi Borleto tərəfindən ekranlaşdırılıb. Kriminal dram və triller janrındakı layihənin baş rollarında Keyt Moran, Kristof Pau, Yasin Uişa və Jan-Mişel Korreya çəkiliblər.