Çirkli pullar

Böyük Hollivud layihəsində çəkilən azyaşlı oğlan uşağı çəkilişlər bitdikdən sonra məşhur rejissor tərəfindən cinsi zorakılığa məruz qalır. Nə edəcəyini bilməyən valideynlər baş verənləri gizli saxlamaq müqabilində qarşı tərəfdən böyük məbləğdə təzminat almağa razılaşırlar.

«Dark Money» serialı bu razılaşmanın ailə üzvləri üçün gətirdiyi ağır nəticələri göstərir. Alınan pul baş verən faciənin təsirini azaltmır və hadisəni ört-basdır etmək cəhdi ailə daxilindəki münasibətləri sarsıdır. Həqiqəti gizlətmək getdikcə dözülməz bir yükə çevrilir.

Böyük Britaniya istehsalı olan bu 2019-cu il dramı cinayət və triller janrlarını birləşdirir. Ekran əsərinin quruluşçu rejissoru Lyuis Arnolddur. Əsas rolları Babu Sizey, Cill Halfpenni, Maks Finçman və Rudi Dxarmalinqham canlandırıblar.