Boş ev

Nikita və Vikanın toy hazırlıqları ailələrin ilk birgə şam yeməyində ciddi qarşıdurma ilə pozulur. Bəyin nənəsi, keçmiş şəhər prokuroru Vera Andreyevnanın malikanəsində baş tutan bu görüş gözlənilməz qalmaqala səbəb olur. Məlum olur ki, gəlinin atası Pyotr vaxtilə yeddi il həbs cəzası çəkib və onu dəmir barmaqlıqlar arxasına məhz Vera Andreyevna göndərib. Pyotr isə öz növbəsində cinayət işinin saxtalaşdırıldığını iddia edir.

Keçmiş ədavət ucbatından hər iki tərəf toya qəti şəkildə qarşı çıxır. Lakin bir-birini sevən gənclər öz münasibətlərindən vaz keçmək niyyətində deyillər və gizlicə kəbin kəsdirmək üçün vətəndaşlıq vəziyyəti aktlarının qeydiyyatı şöbəsinə ərizə verirlər. Onlar Nikitanın anasının uzun illərdir gizlətdiyi sirrin hər iki ailənin həyatını alt-üst edə biləcəyindən xəbərsizdirlər.

Rusiyanın kriminal melodram janrında çəkilmiş «Boş ev» serialının quruluşçu rejissoru Marat Kimdir. 2022-ci il istehsalı olan ekran işində əsas rolları Natalya Yeqorova, Svetlana Antonova, Konstantin Solovyov və Gennadi Smirnov canlandırıblar.