Alovlu səhra

Böyük Səhrada baş verən helikopter qəzasından yalnız mühəndis Marsel Düvivyenin azyaşlı oğlu sağ çıxır. Öz övladı olmayan əmir Tafud körpəyə Ben adını verir, onu doğma balası kimi böyüdür və özünün varisi təyin edir.

İyirmi beş yaşı tamam olanda gənc əsl valideynlərini tapmaq qərarına gəlir. Monte-Karloya gələn Ben anasını tapır və qadın oğlunun Avropada qalıb ailə biznesini idarə etməsini istəyir. Lakin Tafud qəbiləsinin torpaqlarında tapılan zəngin mineralları ələ keçirmək istəyən transmilli korporasiyanın planlarını öyrənən gənc dərhal səhraya qayıdaraq xalqının müdafiəsinə rəhbərlik etməyə başlayır.

«Le Desert de feu» macəra serialı 1997-ci ildə rejissor Enzo C. Kastellari tərəfindən çəkilib. Almaniya, Fransa və İtaliyanın birgə istehsalı olan layihədə baş rolları Entoni Delon, Mandala Tayde, Virna Lizi və Culiano Cemma ifa ediblər.