Sevənlər imtina etmir

Təyyarəçilər Qleb və İvan Yeni ili qeyd etmək üçün kurort şəhərinə gəlirlər. Qleblə birlikdə sevgilisi Sonya da səfərə çıxır; pilot ailəsini tərk edib həyatını onunla bağlamaq qərarı ərəfəsindədir. İvan isə burada yerli müğənni Yuliya ilə tanış olur və aralarında yüngül münasibət başlayır.

Təcili tapşırıq qəhrəmanların istirahətini yarımçıq qoyur. Pilotlar çətin dağlıq bölgəyə ərzaq və dərman çatdırmaq üçün yola düşürlər, lakin hava şəraiti və texniki nasazlıq təyyarənin qəzaya uğramasına səbəb olur. İnsanları xilas edən və son ana qədər təyyarəni idarə etməyə çalışan Qleb və İvan tullanmağa macal tapırlar. Yanıq xəsarətləri alan İvanı tək qoymayan Qleb dostunu çiyinlərində daşıyaraq çətin qayıdış yoluna başlayır.

Hamı onların həlak olduğunu düşündüyü bir vaxtda yalnız Sonya sevdiyi adamın yolunu gözləyir. «Sevənlər imtina etmir» adlı melodrama serialı 2008-ci ildə Rusiyada rejissor Yelena Nikolayeva tərəfindən çəkilib. Baş rolları Mariya Poroşina, Aleksandr Domaqarov, Laura Keosayan və İvan Rudakov canlandırırlar.