Xaricdəki axmaq

Riki Gervais və Stiven Merçant dostları Karl Pilkinqtonu çətin bir sınağa çəkmək qərarına gəlirlər. Onlar ev rahatlığını hər şeydən üstün tutan bu insanı planetin dörd bir yanına səyahətə yollayırlar. Səfərin əsas məqsədi qəhrəmanın Dünyanın Yeddi Möcüzəsini öz gözləri ilə görməsidir.

Karl Çin, İordaniya, Hindistan, Meksika, Braziliya, Misir və Peru kimi ölkələri gəzməyə məcbur olur. Lakin tanımadığı mədəniyyətlər, qəribə adət-ənənələr və yerli təamlar onda zərrə qədər də heyranlıq yaratmır. Hər addımda narazılıq edən səyyah çəkiliş boyunca bu gəzintiyə nifrət etdiyini gizlətmir və doğma evinə dönmək arzusundadır.

Böyük Britaniya istehsalı olan sənədli-komediya serialı «An Idiot Abroad» 2010-cu ildə yayımlanmağa başlayıb. Layihənin rejissor kürsüsündə Krişnendu Mayumdar və Lyuk Kempbell əyləşib, serialda Riçard Yi də yer alıb. Ekran əsəri ümumilikdə 3 mövsümdən ibarətdir.