Meri Brayant

On səkkizinci əsrin sonlarında gənc ingilis qızı Meri oğurluq etdiyi üçün uzaq qitəyə sürgün cəzasına məhkum edilir. İngiltərədən yola düşən və yüzlərlə məhbusu daşıyan gəmi iki yüz əlli bir günlük ağır səfərdən sonra nəhayət Botani körfəzinə çatır.

Bu dəniz yolu gənc qadının həyatında mühüm dönüş nöqtəsi olur. Səyahət əsnasında qızı dünyaya gələn Meri gəmidə tanış olduğu qaçaqmalçı Uilyam Brayantla ailə qurur. Sürgün yerinə çatdıqdan sonra cütlük bu vəziyyətlə barışmaq istəmir və oradan qaçmaq üçün birlikdə plan qurur.

Böyük Britaniya və Avstraliyanın birgə istehsalı olan «Mary Bryant» tarixi macəra serialı 2005-ci ildə nümayiş olunub. Ekran işinin rejissoru Piter Andrikidisdir. Baş rolları Romola Qaray, Aleks O'Loklin, Cek Devenport və Sem Nil canlandırıblar.