Tutulmazlar

Məşhur musiqiçi David Oystraxın kraliçanın hədiyyəsi olan nadir skripka ilə Odessada konsert verəcəyi xəbəri bütün qəzetlərdə yayılır. Dəyərli alət Moskvadan xüsusi qatarda gətirilir. Bunu eşidən yerli cinayətkar aləmin nüfuzlu simaları Lavrik və Kobzar əsrin soyğununu həyata keçirmək qərarına gəlir və kömək üçün gənc oğrulardan ibarət dəstə toplayırlar.

Elə bu ərəfədə iyirmi illik fasilədən sonra keçmişin tanınmış fırıldaqçısı Firoçka Rəqqasə də şəhərə qayıdır. Soyğun planı qurulduğu vaxt qəhrəmanların arasına sevgi hissləri qarışır və bu gözlənilməz duyğular bütün hazırlığı təhlükə altına qoyur.

Macəra və komediya janrında çəkilmiş «Неуловимые» serialı 2017-ci ildə Rusiyada rejissor Vladimir Vinoqradov tərəfindən lentə alınıb. Baş rolları Oksana Fandera, Sergey Qazarov, Aleksandr Lıkov və Yuri Stoyanov canlandırıb.