Həvarilərin izləri

Əsrlər boyu Radzivill knyazlarının mülkü olmuş Nesvij qəsri İkinci Dünya müharibəsinə qədər bu ailəyə məxsus olub. Qədim qəsrin zirzəmiləri keçmiş sahiblərin saysız-hesabsız sərvətləri haqqında əfsanələrlə əhatə olunub. Şayiələrə görə, burada gizlədilmiş ən qiymətli xəzinə on iki qızıl həvari heykəlidir.

Fakültə təcrübəsi üçün nənəsinin yanına, Nesvijə yola düşən hüquq tələbəsi Alevtina yolda Qriqori adlı müəmmalı bir adamla tanış olur. Həmin şəxsdən qədim yadigarlar haqqında əhvalatı eşidən gənc qız gözlənilməz axtarışların içinə düşür. Xəzinə arxasınca düşən fərqli dövrlərin insanları — indiki zaman, 1942-ci ilin Nesviji və Üçüncü Reyx dövrünün Berlini sovet və alman kəşfiyyatlarının, həmçinin gizli cəmiyyətlərin qarşıdurmasında kəsişir.

Belarus istehsalı olan macəra janrlı «Sledy apostolov» serialı 2013-cü ildə rejissor Sergey Talıbov tərəfindən lentə alınıb. Layihənin əsas rollarında Tatyana Çerdıntseva, Pavel Xarlançuk, Tatyana Marxel və Veronika Plyaşkeviç çəkiliblər.