Mystic

İzi Braun anası ilə birlikdə Londondan Yeni Zelandiyadakı Kauri-Point yarımadasına köçür. Sakit və gözdən uzaq bu qəsəbəyə alışmaq gənc qız üçün asan olmur, o, köhnə dostları üçün darıxır. Lakin vəhşi poni Bleyz və Mistik adlı sirli atla təsadüfi qarşılaşma İzinin buradakı günlərini dəyişir.

Bu heyvanlar sayəsində qız at sürməyə böyük həvəs göstərən yerli yeniyetmələrlə tanış olub dostlaşır. Tezliklə bu komanda Kauri-Point təbiətini qorumaq üçün hərəkətə keçməli olur, çünki başlayan sənaye tikintiləri ərazini ekoloji fəlakətlə üz-üzə qoyur.

İki mövsümdən ibarət olan Yeni Zelandiya istehsalı «Mystic» macəra serialının rejissor kürsüsündə Aydi Uoker və Maykl Hörst əyləşib. Baş rolları Meysi Çippinq, Antoniya Robinson, Maks Krin və Jaklin Co canlandırır.