Şoqun

XVI əsrin sonlarında İspaniya və Portuqaliyanın Yeni Dünyadakı sərvətlərini ələ keçirmək üçün dənizə çıxan holland donanması amansız sınaqlarla üzləşir. Təxminən iki il davam edən ağır səyahətin sonunda böyük heyətdən yalnız ingilis naviqatoru Con Blektornun idarə etdiyi «Erazm» gəmisi və bir ovuc dənizçi sağ qalır. Güclü fırtınaya düşən gəmi Yaponiyanın sahillərində qəzaya uğrayır, yerli yezuit keşişinin qarayaxmaları nəticəsində dənizçilər quldur damğası ilə samuraylar tərəfindən əsir götürülür.

Lakin yadellilərin taleyi gözlənilməz şəkildə dəyişir. Ölkənin ən qüdrətli feodallarından sayılan daymyo Yoşi Toronaqa ingilis şturmanı ilə yaxından tanış olmaq qərarına gəlir və onun dərhal Osakaya gətirilməsini əmr edir. Zindandan azad edilən Con özünü yad mədəniyyətin və amansız hakimiyyət çəkişmələrinin tam mərkəzində tapır.

1980-ci ildə ABŞ və Yaponiya kinematoqrafçılarının birgə istehsalı kimi təqdim edilən «Şoqun» serialının quruluşçu rejissoru Cerri Londondur. Çoxseriyalı tarixi dramın baş rollarını Riçard Çemberlen, Toşiro Mifune, Yoko Şimada və Furanki Sakai canlandırıblar.