Rus vasitəsi

Amerikalı aktyor Maks Kalloqen pis yuxulardan əziyyət çəkir. Rəfiqəsi Ketin məsləhəti ilə o, psixoanalitik Patrik Dobermana müraciət edir. Həkim müalicə adı ilə Maksı Rusiyaya çəkilişlərə yola salır, özü isə Ketə yaxınlaşmağa cəhd göstərir. İstəyinə çata bilməyən psixoanalitik qisas məqsədilə FTB-yə zəng edərək aktyorun qaçırıldığını bildirir. Ulduzun ardınca serjant O'Nil, dəniz piyadaları və Ket yola düşür.

Xabarovska çatan Maks gözlənilmədən rus dənizçisi Kolya Bıçko ilə yerini dəyişir. Moskvada Ketlə rastlaşan dənizçi onunla birlikdə amerikalını axtarmaq üçün geri qayıdır. Bu ərəfədə Kalloqen Ramires və Mixalıçla tanış olur; yeni yoldaşları onu milis bölməsindən çıxararaq Odessaya aparmaq istəyir. Maksın izinə düşən dəniz piyadaları isə yerli şəraitdə gözlənilmədən əsir düşürlər.

«Rus vasitəsi» (Russkoe sredstvo) macəra komediyası janrında çəkilmiş Rusiya serialıdır və 2006-cı ildə nümayiş olunub. Ekran işinin rejissorları Yevgeni Sokolov və Mariya Maxankodur. Baş rolları Konstantin Solovyov, Kseniya Buravskaya, Saxat Dursunov və Mixail Vladimirov canlandırıblar.