Libertad

XIX əsrin əvvəllərində İspaniyada «Dərə qadını» adı ilə tanınan Lusiya üçün uzunmüddətli cəza arxada qalır. O, on yeddi ilini dəmir barmaqlıqlar ardında keçirib, oğlunu da məhz zindanda dünyaya gətirərək orada böyüdüb. Nəhayət azadlıq anı gəlib çatır və ana ilə oğul köhnə divarları tərk edir.

Çölə çıxdıqdan qısa müddət sonra Lusiya keçmişi ilə yenidən üzləşir. O, quldur dəstəsinin üzvü və oğlunun atası olan «Kərtənkələ» ləqəbli qanunsuzla qarşılaşır. «Libertad» serialı çətin dövrdə həyatını yenidən qurmağa çalışan keçmiş məhbusun və onun yaxınlarının taleyindən bəhs edir.

İspaniya istehsalı olan bu tarixi dram və triller layihəsinə rejissor Enrike Urbisu rəhbərlik edib. 2021-ci ildə ekranlara çıxan ekran əsərində əsas obrazları Bebe Rebolyedo, İsak Ferris, Ceyson Fernandes və Ksabyer Deyv canlandırıblar.