Veranın ürəyi

Məktəbi bitirdikdən sonra Vera həkim olmaq arzusu ilə əyalətdən böyük şəhərə yollanır. Tibb kollecinə qəbul olan gənc qız vaxtını tamamilə dərslərinə ayırır, şəxsi həyatı və əyləncəni arxa plana keçirir. Lakin tələbə Dmitri ilə tanışlıq onun gündəlik qayğılarını dəyişir. Qısa müddətdə dərinləşən münasibətlər Veranın hamiləliyi ilə nəticələnir. Cütlük ailə qurmaq istəsə də, oğlanın anası əyalətdən olan gəlinə qəti şəkildə qarşı çıxır. Valideyn təzyiqinə tab gətirə bilməyən Dmitri sevdiyi qadını tənha qoyaraq çıxıb gedir.

İllər ötür və Vera tanınmış kardiocərraha çevrilir. Ən çətin dövrlərdə ona arxa duran qayğıkeş əri Kirill daim qadının yanındadır. Lakin Dmitrinin gözlənilməz qayıdışı hər şeyi alt-üst edir. Qızı olduğunu öyrənən keçmiş sevgili həm uşağını, həm də Veranı geri qaytarmağa çalışır. Qadın etibarlı ailəsi ilə keçmişdəki unuda bilmədiyi sevgisi arasında qalır.

Rusiyanın «Veranın ürəyi» melodram serialı 2026-cı ildə təqdim olunub. Layihənin rejissoru Yevgeni Tatarovdur. Əsas rolları Aleksandra Buryanova, Arseni Topolaqa, Mixail Qrişenko və Marina Kondratyeva canlandırıblar.