Deməli, mən səni çox sevirəmmiş

Kolleci bitirmək üzrə olan San Uyan gələcəkdə televiziya aparıcısı olmağı arzulayır və radioda köməkçi kimi çalışır. O, şəxsiyyətini gizli saxlayan İ Tszin təxəllüslü bəstəkarın yaradıcılığına böyük maraq göstərir. Gənc qız təsadüfən qarşılaşdığı Su Nyançinə ilk baxışdan aşiq olur və qısa müddət sonra onun görmə qabiliyyətinin zəif olduğunu öyrənir.

İkili bir-birinə bağlandıqca məlum olur ki, həmin bu gənc qızın heyran olduğu istedadlı musiqiçinin özüdür. Onların səmimi münasibəti romantik sevgiyə çevrilsə də, real həyatın təzyiqi və anlaşılmazlıqlar cütlüyün ayrılığı ilə nəticələnir. Üç il fərqli yollarla addımladıqdan sonra qəhrəmanların yolları yenidən kəsişir.

2021-ci ildə yayımlanan Çin istehsalı melodram serialı «Yuan lai wo hen ai ni» adlanır. Layihənin rejissor kürsüsündə Yu Çuy-Va əyləşib, əsas obrazları isə İven Lin, Van Pen və Li Tszsyahao canlandırıblar.