Tap məni, xoşbəxtlik

Jenyann şəxsi həyat qurmaq planları anasının başına gələn fəlakət səbəbindən təxirə düşür. Sadəlövh qadın dələduzların qurbanına çevrilərək öz evini itirmək təhlükəsi ilə üzləşib. Daşınmaz əmlak vasitəçiləri mənzili geri qaytarmaq üçün böyük məbləğdə pul tələb edirlər və gənc qadının bu vəsaiti təkbaşına ödəməyə imkanı çatmır.

Çətin məqamda o, böyük holdinq rəhbəri İvan Kirillovla tanış olur. Sahibkar ananın borcunu ödəməyə razılaşır, lakin əvəzində şərt irəli sürür: keçmiş həyat yoldaşı qızını və çoxmilyonluq biznesini əlindən almasın deyə, o, təcili evlənməlidir. Onlar təkcə sənəd üzərində deyil, hamının gözü qarşısında inandırıcı bir ailə obrazı yaratmaq məcburiyyətində qalırlar.

«Tap məni, xoşbəxtlik» adlı Rusiya serialı 2021-ci ildə rejissor Yevgeni Tatarov tərəfindən ekranlaşdırılıb. Melodram janrında olan layihənin baş rollarında Anastasiya Sorokina, Vladimir Kurtseba, İqor Teplov və Maksim Kerin çəkiliblər.