Taleyə qarşı

Hüquq təhsilini yenicə başa vuran Rita Sorokina atasının yolu ilə gedərək müstəntiq vəzifəsində çalışmağa başlayır. Təcrübəli əməliyyatçılar olan atası Nikolay Petroviç və sevgilisi Artyom isə gənc qızın anasının yanğın zamanı həlak olması ilə bağlı vacib məqamları gizlədirlər. İstintaqın bədbəxt hadisə hesab etdiyi bu yanğın ailə başçısının xəyanət faktı ilə üzləşməsi səbəbindən ona qarşı şübhələr doğurur.

Atasının sevdiyi qadına zərər yetirəcəyinə inanmayan Marqarita həqiqəti üzə çıxarmaq qərarına gəlir. Eyni vaxtda onun iş həyatında yerli sahibkar Mixail Vidnovski ilə bağlı maneələr yaranır və iş adamı məsuliyyətdən yayınmaq üçün təzyiq göstərməyə çalışır. Qarşılaşdığı çətinliklərə baxmayaraq, gənc müstəntiq ailəsini sarsıdan hadisənin əsl səbəbini aşkar etmək üçün mübarizəsini davam etdirir.

«Taleyə qarşı» melodram serialı 2022-ci ildə Ukraynada istehsal olunub. Rejissoru Yuri Osipov olan ekran əsərində əsas rolları Alyona Kolomina, Aleksandr Konstantinov, Alyona Yakovleva və Sofya Ardova ifa ediblər.