Köhnə şkafın kölgələri

İngilis dili müəllimi Kseniya qardaşına kömək etmək üçün varlı iş adamı Pavelin qızı Qlaşaya dayəlik etməyə razılaşır. Lakin gənc qadın bu evdə gərgin münasibətlərlə qarşılaşır. Ev sahibi olduqca soyuq və qapalı davranır, kiçik qız tez-tez şıltaqlıq edir, Pavelin mərhum həyat yoldaşının bacısı Kira isə təhsilli olmasına baxmayaraq Kseniyaya yuxarıdan aşağı baxır.

İlk vaxtlar qarşılıqlı narazılıq və anlaşılmazlıqlarla keçsə də, zaman keçdikcə Kseniya Pavelin bu soyuqluğunun arxasında incə qəlbli bir insanın dayandığını anlayır. Cütlük arasında hisslər oyandığı ərəfədə isə Pavelə aşiq olan Kira və Kseniyanın keçmiş sevgilisi Qena onların yaxınlaşmasına mane olmağa çalışır.

2021-ci ildə çəkilmiş Rusiya istehsalı olan «Köhnə şkafın kölgələri» adlı melodram serialının rejissoru Dmitri Panteleyevdir. Baş rolları İrina Şeyanova, Taras Kuzmin, Natalya Nozdrina və Sergey Quzeyev canlandırıblar.