Mənim adım Saşadır

Tibb tələbəsi Aleksandra evli sevgilisindən hamilə qalır, lakin kişi uşağın dünyaya gəlməsinə qəti şəkildə qarşı çıxır. Sevgilisinin tələbi ilə razılaşmayan qız hər şeyi geridə qoyub Moskvaya gedən avtobusa minir. Yolda o, Mixail və Vera adlı gənc cütlüklə tanış olur.

Səfər zamanı avtobus qəzaya uğrayır və Vera hadisə yerində həyatını itirir. Qəzadan sağ çıxan Saşanı xəstəxanaya çatdırırlar. Ayıldıqdan sonra o öyrənir ki, Mixail komadadır, xəstəxana heyəti və yaxınları isə geyindiyi gödəkçəyə görə Saşanı həlak olmuş Vera zənn edirlər.

2019-cu ildə çəkilmiş Rusiya istehsalı olan «Mənim adım Saşadır» melodram serialında baş rolları Yevgeniya Vays, Vladimir Qorislavets, Artyom Karasyov və Kseniya Şerbakova canlandırıblar.