Məhəbbət notları

Arina restoranda ofisiant işləyir, təkbaşına oğlu Nikitanı böyüdür və xəstə anasına baxır. On iki il əvvəl tənha qaldıqdan sonra kişilərə inamını itirən qadın yalnız özünə güvənir. Qəlbində müğənni olmaq arzusu yaşasa da, yaxınlarının qayğısına qalmaq naminə bu xəyallarını arxa plana keçirib.

Uğurlu musiqi prodüseri Vadim isə yetirməsi olan müğənni Rimma ilə görüşür. Qızı Vasilisa anasının ölümündən sonra hələ özünə gəlmədiyi üçün bu münasibəti gizlədir, həm də Rimma ilə gələcəyinə tam əmin deyil. Təsadüfən qarşılaşan on bir yaşlı Nikita və Vasilisa isə valideynlərini bir-biri ilə evləndirmək qərarına gəlirlər.

«Məhəbbət notları» melodram serialı 2017-ci ildə Rusiya və Ukrayna kinematoqrafçıları tərəfindən lentə alınıb. Layihənin rejissoru Viktoriya Melnikova, baş rol ifaçıları isə Darya Yeqorkina, Artemiy Yeqorov, Yana Kovalyova və Georgiy Leşşenkodur.