Favorit

II Yekaterinanın hakimiyyət illəri saraydakı yaxın adamların həyatına dair çoxsaylı faktlar və rəvayətlərlə zəngindir. Şəxsi münasibətlər imperiyanın taleyinə birbaşa təsir göstərirdi. «Favorit» serialı dövlət idarəçiliyinin şəxsi maraqlarla çuğlaşdığı həmin dövrü ekrana gətirir.

İmperatriçanın ətrafındakı şəxslər arasında knyaz Potyomkin xüsusi mövqe qazanır. Vətəninə dərindən bağlı olan bu dövlət xadimi Yekaterinanın etibarını əldə edərək mühüm qərarların qəbulunda yaxından iştirak edir. Onun fəaliyyəti təkcə saray daxilində deyil, bütövlükdə Rusiya dövlətinin idarə olunmasında əsas amilə çevrilir.

Rusiyada istehsal olunmuş melodram janrındakı layihənin rejissoru Aleksey Karelindir. Serial 2005-ci ildə işıq üzü görüb. Əsas rolları Natalya Surkova, İqor Botvin, Oleq Almazov və Artyom Tsıpin canlandırıblar.