Gün aydın olacaq

Yelena və Daniil universiteti bitirən kimi ailə qururlar. Lakin qəfil baş verən qəza gənc ailənin həyatını alt-üst edir: Daniilin anası həlak olur, atası isə əlil qalır. Tərcüməçi təhsilli Yelena bütün vaxtını qayınatasının qayğısına qalmağa sərf edir. Bu müddətdə jurnal redaktoru olan əri nəşriyyat rəhbərinin qızı İrina ilə gizli münasibət qurmağa başlayır.

İrinanın hamilə olduğunu öyrənən Yelena xəyanətə dözməyərək ərindən ayrılır. Təcrübəsi olmadığı üçün iş tapmaqda çətinlik çəkən gənc qadın sonda Nikolay Yeqorovun şirkətinə gəlib çıxır. Burada o, karyerasını və həyatını yenidən qurmağa çalışır.

«Gün aydın olacaq» («Будет светлым день») adlı Rusiya melodram serialı 2012-ci ildə ekranlara çıxıb. Serialın rejissoru Oleq Ştromdur. Əsas rolları Anna Popova, Stanislav Bondarenko, Aleksandr Nikitin və Alyona Yakovleva canlandırıblar.