Sənə inanmaq istəyirəm

Atasının xəyanətindən və şəxsi uğursuz münasibətindən sonra uşağını tək böyüdən Saşa kişilərə heç vaxt etibar etmir. O, hüquq şirkətində çalışaraq boşanma ərəfəsində olan qadınlara kömək edir və məhkəmədə vəfasız ərlərin iç üzünü açır.

Növbəti dəfə onun yanına gələn gənc qadın ərinin xəyanət etdiyini iddia edərək mülkü əldə etmək istəyir. Biznesmen Sinitski günahsız olduğunu desə də, Saşa qadının tərəfini tutaraq işi udur. Lakin çox keçmədən hüquqşünas böyük bir səhvə yol verdiyini, müştərisinin öz məşuqəsi ilə əlbir olub ərini şərlədiyini öyrənir və indi həqiqəti üzə çıxarmağa çalışır.

«Xoçu tebe verit» adlı Rusiya istehsalı melodram serialı 2021-ci ildə ekranlara çıxıb. Rejissor İqor Keçayevin çəkdiyi layihədə baş rolları Anna Arefeva, Artyom Karasyov, Kseniya Nepotrebnaya və Mariya Bortnik ifa edir.