Günəşin o biri tərəfində

Anya və Katya uşaqlıq illərini dəniz kənarındakı kiçik bir şəhərdə birlikdə keçirmiş iki yaxın rəfiqədir. Katya paytaxtdan gələn sahibkar Mixaillə tanış olub ailə quraraq Moskvaya köçür. Nişanlısının xəyanəti və ailəsindəki böyük itki ilə üzləşən Anya isə doğma yerdə qalaraq bütün diqqətini işinə yönəldir.

İki il sonra rəfiqəsinin çətin günlər keçirdiyini öyrənən Katya onu yanına dəvət edir. Şəhərdə Anyanı saxlayan bir səbəb qalmır: anası vəfat edib, atası dərhal başqası ilə evlənib, bəyəndiyi yeni tanışı İqor isə qəfildən yoxa çıxıb. Beləliklə, Moskvaya üz tutan qız burada intriqalar və təhlükəli hadisələrlə qarşılaşır.

Rusiyanın «По ту сторону солнца» adlı melodram serialı 2022-ci ildə ekranlara çıxıb. Layihənin rejissoru Vitali Babenkodur. Baş rolları İrina Jyoltikova, Tatyana Selivyorstova, Rodion Qalyuçenko və Pyotr Romanov canlandırıblar.