Mayakın uzun işığı

Mayak nəzarətçisinin qızı Nastya uşaq vaxtı bədbəxt hadisə nəticəsində görmə qabiliyyətini itirib. İllər sonra o, dənizçi Romanla tanış olur və gənclər arasında güclü sevgi hissi yaranır. Sevdiyi qızın yenidən görə bilməsi üçün böyük məbləğdə vəsait tələb olunduğunu öyrənən Roman cinayətə əl atır. Əldə etdiyi pulları xəbərsiz şəkildə qızın rəfiqəsinə ötürən gənc, Nastyaya uzun səfərə çıxdığını söyləyir və törətdiyi oğurluğa görə beş il müddətinə həbs edilir.

Əməliyyat uğurla başa çatır, qızın gözləri açılır və o, Romandan olan oğlunu təkbaşına böyütməyə başlayır. Gənc ana sevgilisinin nə vaxtsa dənizdən dönəcəyinə inanmaqda davam edərkən, paytaxtdan gələn iş adamı İqor onun diqqətini çəkməyə çalışır. Həmin vaxt cəzasını çəkib qayıdan Roman doğma yerlərdə peyda olur və Nastya iki yol arasında qalır.

2020-ci il istehsalı olan «Mayakın uzun işığı» («Долгий свет маяка») adlı Rusiya melodram serialının rejissoru Denis Eleonskidir. Ekran əsərində əsas rolları Lika Markelova, Yevgeni Antropov, Aleksey Demidov və Mixail Xmurov canlandırıblar.