Duman çəkiləndə

Polina varlı iş adamı Tarasovun təminatı altında qayğısız bir ömür sürür. Sevgilisi onun bütün istəklərini yerinə yetirir, qadının gözəlliyi ilə tərəfdaşları qarşısında öyünür. Lakin bu dəbdəbəli münasibətdən əvvəl ali təhsil almaq və öz biznesini qurmaq istəyən gənc qadın sadəcə bəzək əşyası olmaqdan artıq bezib.

Qəfil baş verən yol qəzası Polinanın taleyini alt-üst edir. Tarasovun hədiyyə etdiyi avtomobili idarə edən qadın Vlad adlı şəxsi vurur. Nəticədə iki uşaq atası olan Vlad görmə qabiliyyətini və işini itirir. Vicdan əzabı çəkən Polina həqiqəti gizlətməyə qərar verir: o, özünü sosial işçi kimi təqdim edərək Vladın və onun övladlarının qayğısına qalmağa başlayır.

2022-ci ildə Rusiyada çəkilən «Когда спадет пелена» melodram serialının rejissoru Ruslan Pauşudur. Baş rolları Lyubov Xatskeviç, Rodion Qalyuçenko, Pavel Kraynov və Andrey Simonkin canlandırıblar.