23 avqust

Valideynsiz böyüyən Jenya təqaüddə olan polis polkovniki Vasili Petroviçə qulluq etmək üçün dayə işinə düzəlir. Zaman keçdikcə onların arasında səmimi bir dostluq yaranır. Təqaüdçü qıza anasını axtarmaqda kömək edir, Jenya isə polkovniki oğlu Pyotr ilə barışdırmağa çalışır və çox keçmədən ona aşiq olur.

Lakin Pyotr evdə peyda olan bu yad qadından heç də məmnun deyil və onun yalnız şəxsi mənfəət güddüyünə inanır. Vasili Petroviçin qəfil vəfatı hər şeyi daha da qəlizləşdirir. Sənədləri yoxlayan gənc qız öyrənir ki, polkovnik öz evini vəsiyyətnamə ilə məhz ona bağışlayıb.

«23 avqust» adlı Rusiya melodram serialı 2023-cü ildə istehsal olunub. Ekran əsərinin quruluşçu rejissoru Aleksandr Kananoviçdir, baş rollarda isə Yelizaveta Dolbnikova, Nikita Buryaçek, Valeri Afanasyev və Culietta Şabanova çəkiliblər.