Məhəbbət sağaldır

İşgüzar qadın Svetlana ailə həyatından razıdır, lakin gərgin iş qrafiki səbəbindən əri Viktor və yeniyetmə oğluna az vaxt ayıra bilir. Adi tibbi müayinə zamanı onun səhhətində qorxulu xəstəliyin əlamətləri üzə çıxır. Təkrar analizlərin nəticəsi çıxana qədər həyat yoldaşı ona dayaq olur, işdə isə həmkarı Aleksey dəstəyini əsirgəmir.

Çox keçmədən məlum olur ki, laboratoriyada sənədlər qarışıb və Svetlana tamamilə sağlamdır. Xəstəliyin əslində kimə aid olduğunu öyrənib həmin qadına kömək etmək istəyən Svetlana gözlənilməz faktla qarşılaşır: bu xəstə Viktorun artıq üç ildir gizli münasibət saxladığı məşuqəsidir.

«Məhəbbət sağaldır» (Lyubov lechit) adlı Rusiya istehsalı melodram serialının rejissoru Mariya Maxankodur. 2020-ci ilin layihəsində baş rolları Yekaterina Volkova, Roman Polyanski, Andrey Zavodyuk və Maksim Konovalov canlandırıblar.