Soyuq xörək

Toy ərəfəsində baş verən yol qəzası Jenyanın nişanlısı Oleqin həyatına son qoyur. Hadisəni törədən şəxs isə sükan arxasında sərxoş vəziyyətdə əyləşmiş Kostya Streltsov olur. Sevdiyi insanı itirən qız təqsirkarın лайiqli cəza alacağını gözləsə də, ədalət zənginliyin qarşısında aciz qalır.

Sürücünün yerli oliqarx olan atası ərköyün oğlunu növbəti dəfə məsuliyyətdən qurtarmağı bacarır və Kostya azadlıqda qalır. Rəsmi qurumların heç bir tədbir görmədiyini anlayan Jenya ədaləti özü bərpa etmək qərarına gəlir. O, nəyin bahasına olursa-olsun cinayətkarın dəmir barmaqlıqlar arxasına düşməsinə nail olmaq istəyir.

«Холодное блюдо» melodram serialı 2015-ci ildə nümayiş olunub. Rusiya və Belarus birgə istehsalı olan layihənin rejissoru Qleb Yakubovskidir. Baş rolları Yevgeniya Noxrina, Aleksey Demidov, Pavel Yaskeviç və Mariya Svirskaya canlandırıblar.