Mənim ulduzum

Kostya və Maşanın tələbəlik dövründə başlayan dostluğu uzun illər davam edir, lakin Kostya qızın ona bəslədiyi hissləri fərq etmir. Qarşılıq görməkdən ümidini kəsən Maşa nəhayət ona pərəstiş edən Kirillə şans verməyə qərar verir. Sevgilisindən evlilik təklifi alsa da, toy baş tutmur, çünki Kirill qəfil ürək tutmasından vəfat edir. Beləliklə, Maşa mərhumun əvvəlki nikahından olan üç övladı ilə tək qalır və nə edəcəyini müəyyənləşdirməli olur.

Eyni vaxtda Kostyanın da həyatında çətinliklər yaranır. Ağır xəstəliyə tutulan ögey anası ondan Kristina adlı yetirməsinə sahib çıxmasını xahiş edir. Kostya gənc qızı Moskvaya aparır, lakin onun kino ulduzu olmaq və varlı oliqarxa ərə getmək kimi böyük planlarından xəbərsizdir. Hər iki qəhrəmanın üzləşdiyi gözlənilməz qayğılar onların həyatını tamamilə fərqli istiqamətə yönəldir.

2018-ci ildə çəkilən «Моя звезда» serialı melodram janrındadır. Rusiyada istehsal olunmuş ekran əsərinin rejissoru Valeriya İvanovskayadır. Baş rolları Andrey Çernışov, Mariya Kulikova, İlya Yermolov və Darya Konıjeva canlandırıblar.