Unudulmayan

Larisa və onun ögey qızı Dana ən yaxın sirdaş ola bilərdilər, lakin aralarındakı münasibət barışmaz düşmənçiliyə çevrildi. Eyni adama aşiq olan iki qadın onu bölüşə bilməyib sonda tamamilə itirirlər. Bu itki onların həyatında dərin iz buraxır və tərəfləri bir-birinə qarşı qoyur.

«Unudulmayan» serialında hər iki qəhrəman üzləşdikləri bədbəxtliklərdə qarşı tərəfi günahlandırır. Yaddaşlardan silinməyən inciklik və qisas hissi onları yeni təhlükəli addımlar atmağa sövq edir. Qadınlar ya bir-birini bağışlamağı bacarmalı, ya da növbəti düzəlməz səhvlərə yol verməlidirlər.

Ukrayna istehsalı olan bu melodram 2020-ci ildə rejissor Miroslav Maliç tərəfindən lentə alınıb. Baş rolları İrina Tarannik, Mila Sivatskaya, Mariya Marxay və Vitali Kudryavtsev canlandırıblar.