Nahalka

Gənc və gözəl Lenanın fikri-zikri ancaq öz xarici görkəmindədir, dərslər isə onu qətiyyən maraqlandırmır. O, qızıl hasilatı ilə tanınan kiçik Sverbilovka qəsəbəsində yaşayır. Qızıl mədənləri sayəsində varlanan atası şərikləri kimi paytaxta köçməyib, doğma yurdunda qalaraq qızını təkbaşına böyüdüb və hər nazı ilə oynayıb.

Lakin günlərin bir günü imkanlı ata ərköyün övladının gələcəyini düşünmək məcburiyyətində qalır. O, qızını paytaxta göndərmək, orada nüfuzlu bir təhsil ocağında oxutmaq və yerli cəmiyyətin varlı, hörmətli nümayəndələrindən birinə ərə vermək qərarına gəlir.

«Nahalka» melodram serialı 2013-cü ildə ekranlara çıxıb. Rusiya və Ukraynanın birgə istehsalı olan bu layihəyə rejissor Yuri Muzıka rəhbərlik edib. Serialın əsas rollarını Oksana Staşenko, Yevgeni Volovenko, Valentina Puqaçova və Anatoli Kotenyov canlandırıblar.