Tapıntı

Uşaq evində böyüyən iki gənc bir-birinə aşiq olur və qısa müddət sonra qız hamilə olduğunu anlayır. Sevgilisi bu xəbərdən qorxaraq qaçır, internat müəllimləri isə qızdan hamiləliyi sonlandırmağı tələb edirlər. Həmişə öz ailəsini qurmaq arzusu ilə yaşayan kimsəsiz qız isə hər kəsə qarşı çıxaraq uşağı dünyaya gətirməyə qərar verir.

Oğlunun doğulmasından sonra gənc ananın qarşısına təkbaşına həll edə bilməyəcəyi çətinliklər çıxır. Çıxılmaz vəziyyətdə qalan qadın körpəni övladı olmayan varlı bir ailənin qapısına atmağa məcbur olur. O inanır ki, bu addım körpəyə sevgi dolu və firavan bir həyat bəxş edəcək.

Rusiyanın «Tapıntı» serialı 2009-cu ildə rejissor Aleksandr Kiriyenko tərəfindən melodram janrında lentə alınıb. Layihə 3 mövsümdən ibarətdir. Baş rolları Yelena Yakovleva, Vladislav Vetrov, Qalina Zvyaqintseva və Aleksey Bardukov canlandırıblar.