Mamaça

Tatyana Skvortsova doğum evinə rəhbərlik edən təcrübəli mama-ginekoloqdur. İşinə həddindən artıq vaxt ayırması onun şəxsi həyatında ciddi problemlər yaradır. Qızı Katya anasının tələblərinə qarşı çıxaraq həkim olmaqdan imtina edir və öz mahnılarını səhnədə ifa etməyi arzulayır. Həyat yoldaşı isə Tatyana ilə münasibətlərdən bezərək onun ən yaxın rəfiqəsi Alla ilə gizli əlaqə qurur.

Pasientlərdən birinin həkim tövsiyələrinə qulaq asmayıb evdə doğuş etmək qərarı faciə ilə nəticələnəndə Tatyana çətin vəziyyətdə qalır. Baş verən hadisədən sonra demək olar ki, hamı baş həkimdən üz döndərir. Tək qalan Tatyana üçün gözlənilməz yeganə dəstək yeni tanış olduğu meşəbəyi Dmitridən gəlir.

Rusiyada istehsal olunmuş «Mamaça» («Akuşerka») melodram serialı rejissor Stanislav Libin tərəfindən çəkilib. 2017-ci ildə yayımlanmağa başlayan ekran əsəri dörd mövsümdən ibarətdir. Əsas obrazları İrina Peqova, Aleksandr Makoqon, Vladimir Epifantsev və Natalya Qudkova canlandırıblar.