Aramıza qar yağdı

Həyat yoldaşı İqor həbsxanaya düşdükdən sonra Svetlananın bütün planları alt-üst olur. Ailənin yaxın dostu Valeri ona kömək etməyə çalışsa da, bu səylər nəticəsiz qalır. Kədərli günlərdə Svetlanaya dəstək olan Valeri tədricən ona qarşı hisslər bəsləməyə başlayır və bu duyğular qarşılıqlı xarakter alır. Lakin Valerinin artıq Darina adlı başqa bir qadınla nişanlı olması və Svetlananın ərinə sədaqəti münasibətləri çətinləşdirir.

Valeri sevmədiyini anlayaraq nişanını qaytarır, bu ərəfədə isə Svetlanaya İqorun həbsxanada öldüyü barədə xəbər gəlir. Birgə yaşamaq qərarına gələn cütlüyə Svetlananın valideynləri cehiz olaraq şəhərkənarı ev bağışlayırlar. Həmin evə gələn qadın gözlənilməz mənzərə ilə üzləşir: məlum olur ki, İqor sağdır, sadəcə oradan qaçarkən yaralanıb və burada gizlənir.

Rusiyanın istehsalı olan «Aramıza qar yağdı» («Между нами выпал снег») melodram serialı 2022-ci ildə təqdim edilib. Ekran işinin rejissoru Ruslan Pauşudur. Baş rolları Lyubava Qreşnova, İlya Akintyev, Aleksey Matoşin və Natali Starınkeviç canlandırıblar.