Məhəbbət qarşılığında məhəbbət

1914-cü ilin yazında ucqar bir qəsəbədə yerləşən ulan alayının zabitləri gündəlik darıxdırıcı xidmətdən xilas olmaq üçün vaxtlarını yerli meyxanada keçirirlər. Onların arasında olan poruçik Aleksandr Qriqoryev də kiçik maaşını qumara və əyləncələrə xərcləyir. Şəhər əczaçısının vasitəçiliyi ilə Aleksandr yerli varlı şəxs Staxovski ilə tanış olur və onun gözəl qardaşı qızı Ninaya dərhal heyran qalır.

Zəngin mülkə qonaq çağırılan Aleksandr bütün gecəni Nina ilə rəqs edərək keçirir. Nəzakət naminə o, ev sahibinin on yeddi yaşlı qızı Leronu da valsa dəvət etmək istəyir, lakin qızın bədbəxt hadisə ucbatından iflic olduğunu və əlil arabasına məhkum edildiyini bilmir. Gözlənilməz dəvətdən sarsılan Lera göz yaşlarına boğulur, utanan zabit isə evi tərk edir. Səhvini düzəltmək üçün son puluna qıza nəhəng gül dəstəsi göndərən poruçik çox keçmədən ondan təşəkkür məktubu və yeni dəvət alır.

«Məhəbbət qarşılığında məhəbbət» tarixi melodram serialı rejissor Sergey Aşkenazi tərəfindən lentə alınıb. Layihə Stefan Sveyqin «Ürəyin səbirsizliyi» romanının motivləri üzərində qurulub. 2013-cü il istehsalı olan bu Rusiya serialında baş rolları Maksim Matveyev, İrina Vinoqradova, Sergey Şakurov və Aleksey Quskov canlandırıblar.