Kəndçi qızı

Gənc Lida anası ilə birlikdə Kolpakovo kəndində yaşayır və stüardessa olmaq arzusu ilə böyüyür. Atasını yalnız illər əvvəl bircə dəfə görən qızın yadında o görüşdən hədiyyə qalan gümüş sırğalar və məktəbi bitirdikdən sonra paytaxta gəlmək dəvəti qalıb. Anası ailə həyatı qurduqdan sonra Lida evdə artıq olduğunu anlayır və Moskvaya yollanmağa qərar verir.

Uğurlu kimyaçı olan atası qızını böyük sevinclə qarşılayıb evinə qəbul edir. Lakin onun ərköyün qızları və təkəbbürlü həyat yoldaşı bu qonaqdan heç də məmnun qalmır. Yeni ailə üzvləri kənddən gəlmiş qızı uzaqlaşdırmaq üçün hər cür yola əl atmağa başlayırlar.

2014-cü ildə yayımlanan «Kəndçi qızı» («Derevenşina») serialının rejissoru Vladimir Ustyuqovdur. Rusiya istehsalı olan bu melodramda əsas rolları Anna Mixaylovskaya, Aleksandr Konstantinov, Dmitri Pçela və Yelena Biryukova canlandırıblar.