Onu heç gözləməyəndə

Sonya və əri Aleksey uzun illərdir övlad sahibi olmaq arzusundadırlar. Bütün səyləri nəticəsiz qalan cütlük nəhayət bahalı süni mayalanma proseduruna müraciət etmək qərarına gəlir.

Ailənin planları gözlənilməz xəbərlə alt-üst olur. Məlum olur ki, Alekseyin heç vaxt bilmədiyi nikahdankənar bir qızı var. Uşağın anası vəfat etdiyi üçün o, qızı yanına almaq fikrinə düşür. Bunun ardınca Aleksey süni mayalanmadan vaz keçir və həmin vəsaiti qızının böyüməsinə xərcləmək istəyir. Bu addımı xəyanət hesab edən Sonya münasibətləri bitirərək tənha qalır.

«Когда его совсем не ждешь» 2014-cü ildə ekranlara çıxmış Rusiya melodram serialıdır. Layihənin rejissoru Yekaterina Qranitova-Lavrovskayadır. Əsas rolları İrina Qoryaçova, Aleksandr Yefimov, Anna Ukolova və Alina Dotsenko canlandırıblar.