Gözlənilməz sevgi

Nataşa Pyotrla ailə qurmağa hazırlaşdığı bir vaxtda yaraşıqlı Kirill ilə tanış olur. Bu qəfil görüş gənc qadının hisslərini alt-üst edir və bütün planlarını dəyişir. Lakin yeni münasibət qurmaq o qədər də asan olmur: nişanlısı ondan ayrılmaq istəmir, rəfiqəsi Alina isə məhz Kirilldən uşaq gözləyir.

Vəziyyət daha da mürəkkəbləşir, çünki gizli qalan həqiqət tezliklə üzə çıxır. Məlum olur ki, Nataşanın tərk etmək istədiyi Pyotr ilə yeni sevgilisi Kirill əslində doğma qardaşdırlar. «Gözlənilməz sevgi» («Нечаянная любовь») serialının qəhrəmanları qohumluq telləri və şəxsi hisslər arasında çaş-baş qalırlar.

Rusiyada istehsal olunmuş melodram serialı 2022-ci ildə işıq üzü görüb. Ekran əsərinin quruluşçu rejissoru Eduard Palmovdur. Əsas rolları Yelena Lotova, İlya Alekseyev, Sergey Muxin və Yekaterina Panasyuk canlandırıblar.