Tamamilə yadlar

Elina və Yuranın gənc yaşda böyük sevgi ilə qurduqları ailə məişət qayğılarına tab gətirmir. Əri daimi iş tapa bilmədiyi üçün hamilə qadın evi təkbaşına dolandırmağa məcbur qalır. Çətinliklərdən yorulan Elina sonda ərini evdən qovur.

İllər keçir, Elina var-dövlət qazansa da, şəxsi həyatında rahatlıq tapa bilmir. Bütün diqqətini artıq böyümüş oğlu Vanyaya yönəldir, lakin həddindən artıq qayğı gənci boğur. Anasının basqısından yorulan Vanya atasını axtarıb tapır və illər əvvəl anasının onu göndərdiyi uzaq Zavodsk şəhərinə yola düşür.

2019-cu ildə çəkilən «Совсем чужие» adlı Rusiya istehsalı serial melodram janrındadır. Rejissoru Valeri Devyatilov olan layihədə baş rolları Olqa Pavlovets, İvan Kolesnikov, Dmitri Burukin və Danil Akutin canlandırıblar.